ဘိုးတော်ကြယ်သီး၏ ဟောကိန်းကြီး
ကြယ်သီး (သီးလေးသီး)
နိုဝင်ဘာ ၆၊ ၂၀၁၀
ဒီနေ့မှာ ကျနော့် gmail အခိုးခံလိုက်ရပြီး စိတ်ထဲမကောင်းဖြစ်ပြီး ဘာကို စိတ်ဆိုးမှန်းမသိ ဆိုသလိုတောင် ဖြစ်နေမိတယ်...။ account အသစ်တခုပြန်ဖွင့်ဖို့ စဉ်းစားပြန်တော့လည်း ကျနော့် mail ထဲက သူငယ်ချင်းတွေရဲ့ add ပြန်မရနိုင်မမှတ်မိနိုင်တော့ နောက်ပြီး တယောက်ချင်းကိုလည်း ကျနော် ဘာ account ပြောင်းသုံးမယ်ဆိုတာ မပြောထားဘူးတော့ စဉ်းစားနေရင်းပဲ အသစ်တခုထပ်ဖွင့်ဖို့ ဆုံးဖြတ်ပြီး ချက်ချင်းဆိုသလို အကောင်အထည် ဖော်လိုက်ပါတော့တယ်။
အသစ်တခုရပြီးပြီးချင်း သူငယ်ချင်းအရင်းအချာများကို စ လို့ add လိုက်သည်။ (၁) အညာသား (၂) ပဲခူးသား (၃) တွံတေးသားတို့ကို ဘီလူးကျွန်းသားမှ မိုးလုံးပြည့် တိုင်ပင်ကြရန် ထပ်မံလို့ add လိုက်ပါတော့သည်...။
ဒီအချိန်မှာပဲ (တုံ) ဆိုပြီး ဝင်ရောက်လာသူမှာ တွံတေးသား အမောင် ဇီးသီးပင် ဖြစ်ပါတော့တယ်။
“ဝေး ... ကြယ်သီးလား” တဲ့၊
(ရက်စ်) ဆိုတာနဲ့ “တပည့် ...” ဆိုပြီး “ဆရာ ဒီနေ့ချင်းမိုင်ကို ရရာကားနဲ့ လာခဲ့မယ်တဲ့။”
သူက ကျနော့် mail ပျောက်တာကို သိနေပြီးသားဆိုတော့ ၂၃ ရက်နေ့ ပွဲကပြီးကတည်းက ကျနော်တို့နဲ့ အမျိုးသမီးလူရွင်တော် ကလေးမလေးတွေအတွက် အနုပညာ အားနည်းချက် အားသာချက် များ၊ ငှားရမ်းထားသော ပစ္စည်းများ အပါအဝင် ကူညီကြသော မိတ်ဆွေအပေါင်းအသင်းများကိုပါ ကျေးဇူးတင်ကြောင်း ဂုဏ်ပြုပြောဆို နှုတ်ဆက်ရန်အတွက်ကြောင့် ကျနော်ရယ်၊ ပန်းသီးရယ်၊ မီးသီး (မြစံပယ်ငုံ) ရယ် နေ နေကြသော ချင်းမိုင်သို့ မဲဆောက်မှ လာရမည်ဖြစ်သည် ... ...။
အဲ့ဒီနောက် ကျနော်တို့ Gmail ထဲမှ တယောက်နဲ့တယောက် နောက်ကြ ပြောင်ကြ စကြ ရယ်ကြရင်းနဲ့ အမောင် ဇီးသီးမှ ဝေး ... ဟုခေါ်ပြီး “ငါ မင်းတို့ဆီလာဖို့ ပစ္စည်းတွေ ထည့်လိုက်ဦးမယ် bye bye …” ဟု ကျနော့်ကို နှုတ်ဆက်ကာ လိုင်းပေါ်မှ ဆင်းသွားသည်.....။
ကျနော်လည်း ကွန်ပြူတာကိုဆက်ဖွင့်ထားပြီး ပွဲတွင် အသုံးပြုခဲ့သော ပစ္စည်းများကိုပြန်စစ်၊ အဝတ်အစားတွေ လျှော်စရာရှိတာ လျှော်၊ မီးပူတိုက်စရာရှိတာတိုက်နှင့် နေလိုက်တာ ညနေ ထမင်းစားချိန်ကိုကျော်လို့ မိုးပင်ချုပ်သွားသည် ...။
ကျနော် ကွန်ပြူတာအရှေသို့ပြန်ရောက်ချိန်မှာ ကျနော့် account အသစ်နဲ့ မှတ်မိသလောက် ပြန် add ထားသော သူငယ်ချင်းများက ကျနော့်ကို ဝိုင်းခေါ်ထားကြ ပြောဆို စနောက်ထားကြနဲ့၊ တချို့ကောင် တွေဆို “ခေါ်မကြား အော်မကြား ဘယ်သွားနေလဲ နားလေးရဲ့” ဆိုတာတွေနဲ့ပေါ့၊
အဲ့ဒီအချိန်မှာပဲ ကျနော့်ကို နှုတ်ဆက်ထားကြတဲ့ သူငယ်ချင်းတွေကို ကျနော့်ရဲ့ ဒီနေ့အတွက် မိုးလုံးပြည့် အလုပ်များကို ရှင်းပြရင်း ကျနော် ကွန်ပြူတာပြန်သုံးလိုက်တာ မိုးစင်စင်ချုပ်တဲ့အထိ ရောက်သွားပါတော့တယ်..။ အဲ့ဒီအချိန်မှာ (တုံ) ဆိုပြီး chat ရန်ရောက်ရှိလာသူကတော့ အညာသား အမောင်ပန်းသီးရယ်ပေါ့။
“ဝေး ... ငါ ဇီးသီးကိုသွားကြိုမလို့ လိုက်ဦးမလား …” တဲ့။ ကျနော် အဲ့ဒီတော့မှ အချိန်ကိုလှမ်းကြည့် လိုက်ချိန်မှာ ည (၁၀း၃၀) ပြီးနေပြီ။ “ဝေး ... မလိုက်တော့ဘူး ... ငါ ဦးတော်လုပ်ရတော့မယ်ဆိုပြီး ... ” ဝါတွင်းတတွင်းလုံးက လုပ်ခဲ့တဲ့အရှိန်လေးကို ထပ်မြှင့်ရန်အတွက် ကျနော့် google talk မှ ဘဘ ဦးတင်မိုးရဲ့ ကဗျာလေးအတိုင်း “ပရိတ်သံပေးနိုင်မှ စိတ်အတန်အေးမှာမို့ အဓိဌာန်ကလေးတော့ ဝင်ဦးမှပါလား …” ဆိုကာ ကွန်ပြူတာအားအနားပေး ဘုရားစင်အရှေ့သို့သွားရန် … ခြေတွေ လက်တွေ ဆေးကာ ဝင်လိုက်ပါတော့တယ် … ...။
ကျနော် ဘုရားဝတ်ပြုပြီး ဂုဏ်တော်ပုတီးလေး ပြီးလုပြီးခင်မှာပဲ အမောင် ဇီးနှင့် အမောင် ပန်းတို့ဟာ ကျနော့်အိမ်အတွင်းထဲသို့ ရောက်ရှိနေကြပြီး၊ အမောင်ဇီးက ဘုရားရှေ့မှကျနော့်ကို မြင်သွားကာ “ဝေး ... ... ပန်းသီး ရေ” တဲ့၊ ဟိုတယောက်ကလည်း “ဝေး ...” တဲ့။ “မောင်ကြယ်ကြီး ... ကို လာကြည့်ပါဦး” တဲ့၊ “မြေကြီးနဲ့ တတောင်လောက် လွတ်နေတယ် …” တဲ့လေ ...။
အဲ့ဒီစကားကို အထုတ်အပိုးတွေချရင်း ဘုရားခန်းထဲက ကျနော့်ကို အဲ့လိုကြီး ပြောကို လှမ်းပြောလိုက်တာ ...။ ဖြစ်ချင်တော့ ကျနော်လည်း သူပြောအပြီး ကျနော့်ပုတီးလည်းအပြီးပဲ၊ ခပ်သွက်သွက်လေး ဦးကုန်းချပြီး ... ကျနော့်မှာ အဲ့ဒီနေ့အတွက် အမျှအတန်းတောင် ပြုံးစိစိနဲ့ ပေးခဲ့ပြီး ဘုရားခန်းမှပြန်အထွက် မောင်ပန်းသီး က “အဘအတွက် 7 ELEVEN က ဆေးလိပ်တဘူးဝယ်လာပြီး ကပ်ပါတယ်” တဲ့။ “ဗမာပြည်မှာလည်း ရွေးကောက်ပွဲတွေ အတွက်လုပ်နေချိန်မှာ ပြည်သူတွေလည်း ဘာအလုပ်မှ မလုပ်ရဲ မကိုင်ရဲ၊ ညဘက်တွေ လည်း မထွက်ရ၊ မထွက်ရဲ ဖြစ်နေချိန်မှာ … ထိုင်စားလို့ရအောင်လို့ အပြီးပေါက် ဂဏန်းသုံးလုံးလောက် မ,စ ပါ အဘိုး” တဲ့။
“ဟဲ .. ဟဲ .... .... ဟဲ ဟဲ ... .. ”
ဒီအချိန်မှာ ကျနော့်ဂွင် ဖြစ်သွားပြီလေ .....
“ဟင်း .. ဟင်း .. ဟင်း … မင်းတို့ 7 ELEVEN ကို ဝင်လာပြီးတော့မှ ရွေးကောက်ပွဲအကြောင်းပြောတဲ့အတွက် 711 ကို ပတ်လည်ထိုး” လို့ ပြောလိုက်တာပေါ့။
အဲ့ဒီတော့မှ ဒီကောင်တွေက .. “အား .. ဟုတ်သားပဲ ဒို့ သူများတွေကို အဲဒီနံပါတ်ပေးပြီး၊ လိုက်ပြောပြီး နောက်ကြရအောင်” တဲ့။
ဇီးသီးက “ပေါက်ရင်တော့ အကြောင်း မဟုတ်ဘူး၊ မပေါက်ရင် အဆဲခံရမှာပေါ့ ” တဲ့။
ကျနော်က ချက်ချင်း ပြန်ပြောလိုက်တယ်။
“ပေါက်ချင် ပေါက် …
မပေါက်ချင် ကွဲ
အဲ့ဒါ (နှစ်ဆယ် တစ်ဆယ် ရွေးကောက်ပွဲ) …” ။ ။
