ကျနော်တို့ဘ၀ အမှတ်တရဟာသများ - ၃
ကြယ်သီး (သီးလေးသီး)
အောက်တိုဘာ ၁၅၊ ၂၀၁၀
(ဂျပန်ရဲ ပန်းသီးစားခြင်း)
ကျနော်တို့အဖွဲ့  ပြည်ပထွက်လာပြီး နောက်ပိုင်း ဟိုနိင်ငံ ဒီနိင်ငံတွေက ဖိတ်ခေါ်လုိ့ ပွဲတွေ လိုက် က ဖြစ်ခဲ့တယ်။ ခရီးတွေက များတော့ အဖြစ်အပျက်တွေကလည်း များတယ်ပေါ့။ အများပြည်သူကို ရယ်မောအောင် ဖျော်ဖြေပေးရတဲ့ ကျနော်တို့ ကိုယ်တိုင်တောင် ကံကြမ္မာရဲ့ အလွဲအချော်တွေကြောင့် အကြိမ်ကြိမ် ရယ်မောစရာတွေ ကြုံခဲ့ပါတယ်။
ကျနော်တို့ ကြုံခဲ့တဲ့အထဲက ရယ်စရာ ပြုံးစရာလေးတွေကို ပြန်ဖောက်သည်ချချင် ပါတယ်။
မှတ်မိသလို ရေးမှာဖြစ်လို့ အဖြစ်အပျက်လေးတွေက အချိန်ကာလအားဖြင့် အစီအစဉ်တကျ ဖြစ်ချင်မှ ဖြစ်ပါလိမ့်မယ်။ ဆိုလိုတာက ပထမဆုံး ခရီးအတွေ့အကြုံကို မရေးဖြစ်ဘဲ ဒုတိယမြောက် ခရီးက အတွေ့အကြုံမျိုး ဖြစ်နိင်တာကို ပြောတာပါ။
အခုရေးပြချင်တာက ဘာသာစကား အားနည်းလို့ ကြုံရတဲ့ အခက်အခဲပါ။ ဒါက ဂျပန်ခရီးစဉ်မှာ ဖြစ်ခဲ့တာပေါ့။ ကျနော်တို့အဖွဲ့ ဂျပန်မှာ က မလို့ သွားတော့ လာကြိုတဲ့သူက နောက်ကျနေတယ်။ “တာကနာနိုဘာဘာ” ဆိုတဲ့ ရထားဘူတာရှေ့မှာ ကျနော်တို့ ယောင်လည်လည်နဲ့ပေါ့။ တော်တော်ကြာတော့ ဂျပန်ရဲတယောက် အနားရောက်လာတယ်။ ကျနော်တို့ကို ကြည့်ပြီး “လယ်သာ”ပိုက်ဆံအိတ်တလုံးပြပြီး ဂျပန်လို လှမ်းပြောတယ်။
ဘာပြောတာလဲ ဆိုတာ မသိတော့ ကျနော် ဇီးသီးနဲ့ ပန်းသီးတို့ပါ တယောက် မျက်နာ တယောက် လှမ်းကြည့်ကြတယ်။ မသိတော့ ဘာမှ ပြန်မဖြေဘူးပေါ့။ မသိချင်ယောင်ဆောင်ပြီး ဘူတာအတွင်းထဲဘက်ကို ဟိုငေး ဒီငေး လျှောက်ကြည့်နေလိုက်တယ်။ ဒါလည်း ရဲက ထပ်မေးတယ်။ ဒီတော့ မသိချင်ယောင်ဆောင်လို့ မရမှန်းသိတော့ တခုခုတော့ ပြန်ပြောမှ ဖြစ်မယ် ထင်တယ်လို့ တွေးမိကြတယ်။ ဒါနဲ့ ဂျပန်ရဲက ထပ်မေးတယ်။
ဒီတော့ ပန်းသီးက ပြန်ဖြေတယ်။ ပြန်ဖြေတာက မြန်မာလို
ဂျပန်ရဲ ။ xxxxxx
ပန်းသီး ။ မဝယ်သေးပါဘူး သားရယ်။
ပန်းသီးဆီက အသံထွက်လာတော့ ရဲက ပန်းသီးကို ဦးတည်ပြီး ထပ်မေးပြန်တယ်။
သူကလည်း ဂျပန်လိုပဲ မေးတာ ဒီတော့ ပန်းသီးကလည်း မြန်မာလိုပဲ ဖြေတယ်။
ဘာမေးတယ် ဆိုတာ သိလို့ မဟုတ်ဘူး။ တခုခုဖြေရင် ပြီးတာပဲဆိုပြီး ဖြေတာ။ လူရွှင်တော် ဆိုတော့သိတဲ့အတိုင်း နောက်နောက်ရွှတ်ရွှတ်တွေပဲ ထွက်တာပေါ့။
ဂျပန်ရဲ ။ xxxxxx
ပန်းသီး ။ (လက်ခါပြပြီး) ပိုက်ဆံမပါဘူးသားရဲ့။ မဝယ်သေးဘူးနော်။
ဂျပန်ရဲ ။ xxxxxx
ပန်းသီး။ တခြားသွားရောင်းပါသားရယ်။ ဦးတို့ ပိုက်ဆံမပါဘူးကွ။
ကျနော်တို့မှာ ရဲနဲ့ ပန်းသီးကို ကြည့်ပြီး ရယ်နေရတော့တယ်။ ရဲကလည်း ခေါင်းကုတ်ပြီး ဆက်မေးတယ်။ သူလည်း စိတ်မလျော့ဘူးနဲ့ တူပါတယ်။ ပန်းသီးကလည်း မဝယ်ဘူးဘဲ ဇွတ်ငြင်းနေတော့တာ။ အဲဒီအချိန်မှာ လာကြိုတဲ့အဖွဲ့  ရောက်လာတာနဲ့ အဆင်ပြေသွားတော့တယ်။
သူတို့နဲ့ ရဲ ဆက်ပြောမှ အဆင်ပြေသွားတော့တာ။
ရဲမေးတာက ကျနော်တို့ရပ်နေတာ နဲနဲကြာလို့ ပတ်စပို့ တောင်းကြည့်တာတဲ့လေ။
ပြီးတော့ သူ့ ပိုက်ဆံအိတ်လိုဟာကို ပြတယ် ဆိုတာက ရဲထောက်လှမ်းရေးကဒ်ကို ပြတာတဲ့ ဆိုပြီး၊ လာကြိုတဲ့သူ ရှင်းပြတော့ ပန်းသီးက လေလုံးမလျော့ဘူး ။ ဒီလို ပြောသေးတယ်။
“အဲဒါများ စောစောက ပြောပါလား သားရယ်။ မဝယ်နိုင်လို့ မျက်နာပူလိုက်ရတာ” .. တဲ့လေ။
No comments:
Post a Comment
ကျန်းမာကြပါစေမင်္ဂလာပါခင်ဗျာ-ယနေ့ ကြွလာမိတ်သဟာချမ်းသာကိုယ်စိတ်မြဲပါစေ။
ကြောက်မွေးပါခဲ့ရင်တော့ ဇာဂနာ နဲ့ သာနုတ်သွားကြပါဗျာ- - - -